2084 (已結業)

元誕入西貢行下，見到呢間素食小店，又試下！店員原本講英文傾緊偈，但見到我地行入去，即刻自動轉台用廣東話招呼我地，好有禮貌。食物好多都係炸嘢，我地唔想太熱氣，揀咗以下兩樣：1. 素牛肉炒飯：唔係廣東炒飯的一粒粒金黃，係濕濕地，似係用新鮮飯炒。調味有驚喜，素牛的味道質感極似真牛肉，讚👍2. 鷹嘴豆丸+鷹嘴豆醬+薄餅+沙律：唔記得呢一味叫咩名，但個配搭係好好食嘅，只係粒丸有少少乾。門口仲有幾張大檯，狗狗同人類可以一齊開餐。唯一要彈嘅係，張檯面痴立立，清潔度扣左分。