Uptop Bistro and Bar (已結業)

都有一段時間唔記得寫食評了，最近開始又用返網上訂座服務，朋友準備離開香港，專登諗住約佢一個靚嘅打卡地點（高層望風景）食餐靚靚下午茶，上網睇咗好耐，結果就揀咗呢間餐廳，咁啱呢個app同佢做緊預先買下午茶coupon優惠套餐，就順便買埋了。餐廳收到Booking之後好快已經打電話同我confirm，有禮貌亦都詳盡解釋，都覺得幾滿意！到今日去到，雖然lobby同上𨋢嘅感覺到麻麻（純粹酒店格局感覺），但係坐低咗喺餐廳後，侍應詳盡嘅解說，同埋細心嘅跟進我哋飲咩，當嘢食送到埋嚟嘅時候主動問我哋影唔影相，咁啱因為我朋友生日，我預先喺電話安排咗生日甜品。當侍應送埋嚟嘅時候，個生日甜品好靚🦋，而餐廳經理都走埋嚟同我朋友講生日快樂！真係好賓至如歸嘅感覺！到下午茶set送上，我哋每一件小食都覺得好好味，馬卡龍不太甜，朱古力好濃，所有熱食嚟到啱啱好+好味所以當入咗餐廳之後嘅用餐，口感係非常好臨走前經理仲同我哋講，下次可以選址室外（因為我哋啱啱打完風之後嗰日上去）風景更靚，所以今次嘅用餐係有驚喜嘅！期待下次試埋另一set下午茶