Delite Long Ping Bistro (已結業)

本身同媽咪諗住去附近另外一間餐廳食嘅！但去到見午餐Menu剩係得意粉同意大利飯，午餐時段又唔可以散叫，唯有下次去試晚餐啦！行過嘅時候見到呢間望見餐牌唔錯，所以最終𨍭咗嚟呢度！店名「朗屏」，食完之後上網查搵唔到依間店，後尾再喺其他途徑先見到原來要用英文先search到，所以最好上面加返中文名，價錢唔算太貴，食物質素有驚喜，我哋揀咗湯，今日係雜菜湯，主食叫咗蕃茄奶油海鮮闊麵條同芝士蕃茄焗雞胸，湯味道唔錯，唔會話好淡，闊面條味道都好食，但海鮮就略嫌少咗啲，最驚喜就係個雞胸，裏面啲肉仲係好滑，味道非常之好（之前寫過食評虹坊嗰間「彩虹🌈」店，嗰次個雞胸完全冇味，難食到不得了，價錢大家差唔多。）薯條亦炸得好脆，全部食晒！嘢飲我加咗$10要咗個手搖芒果茶，唔淡但我覺得似百香果味，最尾仲有甜品雲呢拿雪糕，份量闊麵條正常，雞胸就細咗少少，服務正常，外國人男侍應比較有禮貌，臨走仲幫我哋開門同Bye Bye，算係咁。