貓員外精釀酒館 (荷李活道)

營業中

休息中

其實上次已經嚟過貓員外精釀酒館喺石板街分店，但係上次冇叫到嘢食，於是今個星期五本身約咗去朋友屋企，咁啱朋友又係住西營盤，所以就諗住先喺呢度飲完嘢，食咗少少嘢先至再去朋友屋企。同石板街嗰邊一樣，呢度都係自助形式，自己攞啤酒同埋雪凍緊嘅酒杯，感覺好輕鬆，個vibe好正-好chill！呢度一次過買六罐或者24罐，其實都有優惠，所以都好啱約埋一班朋友一齊嚟飲！飲嘢就梗係要叫啲嘢食啦，今次要咗辣牛肉醬墨西哥脆片，我覺得呢個nachos好好食，好脆，sour cream都好夠。另外都要左個芝士斑馬火腿pizza，好cheesy，parma ham唔會過鹹，pizza底都好好食。重點就到d 啤酒！秀才係golden ale，酒精度唔高，我見好多女仔都係叫呢個。葡萄熟了果味好香，感覺就好似飲緊spiked果汁。桂花小麥啤酒有成5.3%嘅酒精度，苦味比較重，但男性朋友個個都話好正，麥香同桂花香加埋嘅味道好特別。