築地銀だこ (創紀之城五期(apm))

營業中

休息中

星期五晚放工後，約咗朋友去APM Food Fiesta ( food court )食章魚燒😄由於大家都比較早放工，所以大概七點已經喺觀塘😄好好彩，我哋用咗幾分鐘就已經搵到位坐低😄我哋叫咗原味正宗章魚燒（八件）套餐，餐飲叫咗原味抹茶😄另一個套餐我哋揀咗日式高菜炒飯加原味餃子，餐飲跟可樂😆章魚燒熱辣辣，一貫咁好食😋😋😋我哋之前試過食其他味，但始終都係覺得原味章魚燒係最好食😅🤣😋 原味抹茶普普通通，冇咩特別😅最有驚喜嘅，反而係日式高菜炒飯😆因為之前同朋友曾經食過，而佢嘅記憶係覺得呢個炒飯炒得比較濕，唔係太好食😅而由於我完全唔記得咗係咩味道😅所以我建議再食一次😆結果真係好驚喜，因為實在好好味😋😋😋而朋友亦都話佢覺得今次個炒飯炒得比較乾😄佢都覺得好好食😋😋😋原味餃子保持水準，我哋亦都好滿意😄我哋覺得今次晚餐物有所值，甚至有少少超乎預期嘅感覺😄😄👏👏