御品千の味刺身壽司專門店 (海寶花園) (已結業)

住大埔中心嘅朋友有福啦！食壽司唔一定要去連鎖壽司店，呢間千之味都可以比到新鮮又抵食嘅壽司，仲可以外賣添。我就叫咗啲基本平時食開嘅壽司嚟試吓啦。三文魚壽司必食！只係睇相都見到好新鮮，啲壽司飯都係啱啱整出嚟。甜蝦壽司有時候食有啲店嘅壽司已經放咗好耐，但係今次千滋味嘅甜蝦壽司真係新鮮，肉質鮮甜。蟹籽壽司爆多蟹籽！成個口都充滿咗蟹籽，真係極級滿足！吞拿魚壽司都係一樣，吞拿魚壽司都係好新鮮！通常食佢未必次次食到鮮甜嘅味道，但係今次就食到！最衰冇叫Sake，如果唔係就真係完美啦！