浜滝 (已結業)

由銅鑼灣一路行行行，見到個門面好cute，本身又想食日本野，就入左黎。揀左張高枱坐，好有feel，都坐得幾舒服。首先試左牛粒串燒，有少少鹽吊味，好正，作為前菜每人一粒。然後有蟹拉麵，湯底好濃海鮮味，蟹肉都甜，仲有一隻溏心蛋，唔係半隻，店家真係好慷慨，一路食，突然夾到舊黑色硬物，嚇死，原來係熱石黎，不過碗麵都唔熱，舊石可以不要。大家都鍾意食燒餅，呢度嘅燒餅好得，餡料足，好香木魚味，但有少少濃味。到半熟呑拿魚，我已經係唔怕魚腥味嘅人，但呢碟野真係好腥，同行友人覺得可以接受，但我食一舊已經想lur，食落感覺唔凍又唔暖，好似食緊舊有血水嘅生肉咁，幾經辛苦終於呑哂，但個口陣腥味久久不散，好似流緊牙血咁，總之係成口血嘅味，我諗我這輩子都唔會再試。