添樂園 (已結業)

還記得中學時代，遊連九龍城龍珠商場。今日因緣際遇，舊地重遊，我亦去老店尋舊味，食煲仔飯。有個私人卡座 33不盡 66無窮，叫左鎮店之寶之一：滑蛋牛肉煲仔飯。而家已經好難搵到炭火爐的煲仔飯，都係電爐。古法處理：一上台先開煲落豉油，翻佢一輪，再焗佢5分鐘，為左食到些小飯焦。時間啱啱好，雞蛋糖心色水，相當靚仔。本身食上面個層，係熱辣美味，跟住咬到有聲，就知中招了，跟住竟然可以搵到成粒飯咁大粒的石仔⋯⋯直係咩懷舊Mood都無晒。