Ms B's Cakery (已結業)

想食ms b好耐，但一直都未有機會，所以決定係男朋友生日試下。一早上網訂左better than sex朱古力蛋糕，揀左係金鐘太古廣場C’est La B拎。當日我去到既時候，店員發現冇我個蛋糕，我真係心都離一離。好彩最後經過店員們一番既努力，打左無數個電話，係中環分店搵到一個比我，問我想自己去中環拎定佢地搵人送泥。因為時間關係，我決定自己去拎，店員都好好，願意即刻幫我寫生日牌，唔滿意仲幫你重新再寫過。有驚無險，最後我同男朋友都食到呢個蛋糕，朱古力味好濃，蛋糕好靚，仲有另跟一杯榛子醬，食既時候可以淋上去，好特別。希望以後d order再準確d會更好。