上海總會

營業中

休息中

適逢靚靚媽咪壽辰，今年小肥好似中咗馬標咁，好闊佬地喺「上海總會」設宴一席，與親友為其慶祝一番。為隆重其事，家人早於去年底訂下寬敞闊落且連私人洗手間o既董事貴賓廳。。。無奈壽宴前幾日突然收到會所通知，話董事廳有高層要征用作會議之用，多得契爺出手相助，當晚o既派對方才得以喺三樓間出之廂房進行。賓客到臨前先有艷麗鮮花贈美人！為美食配選之佳釀則全由大肥爸爸負責。「母親大人，祝您青春常駐，天天快樂，幸福滿瀉！」冷盤之槍虎尾：鱔背前菜唔多夠熱，所以食起上黎帶少少腥，莫非係大廚送贈之「有腥氣」？！冷盤之海哲香筍：透光o既海哲及青綠色o既香筍均濕潤爽脆，不過未能供貴賓最少每人有一件香筍，份量似乎差咁啲。冷盤之素黃雀：細佬對上海菜認知唔深，不過金黃色o既素黃雀顏色就靚啦，但其形狀是否疑似素鵝多過素黃雀呢？！冷盤味道清淡，餡料亦較為鬆散，唔夠結實，講真作為主人家真係有啲覺得貨不對辦架。冷盤之烤麩：烤麩香濃帶甜，腍中帶爽，只可惜份量一樣未能供給全枱客人食用。冷盤之馬蘭頭：馬蘭頭芳香脆嫩，輕巧甜美。甜豆蝦仁：細細粒o既河蝦仁爽嫩潤澤，翠綠色o既甜豆亦極之清甜，但所謂加大咗o既份量都只係足夠每位客人分到一小碗，