傳心廚意

營業中

休息中

挪威煙三文魚沙律，真係好有驚喜！三文魚帶點輕盈的煙燻味，唔會太過強烈，剛剛好。沙律菜新鮮脆口，配上少許檸檬汁，令整個沙律更清新。仲有啲小番茄，甜甜的，為個沙律增添了一點酸甜的層次感😋煙三文魚黑松露意大利麵，真係一試難忘。意大利麵煮得適中，彈牙得來又唔會太硬。松露味道濃郁，輕輕撲鼻，仲有啲奶油醬，令到整體口感更加圓潤。煙三文魚嘅鹹香，為呢個意大利麵帶來咗唔同嘅層次，每一口都係享受🤩至於伊比利亞黑毛豬鞍，簡直係全場焦點。豬肉煎得非常完美，外面脆脆的，裡面仲保留住肉汁。入口時，肉味濃郁，好有層次感，啲脂肪融化喺口裡，唔油膩但好香。配搭的時令蔬菜，帶點微微的鹽味，啱啱好平衡咗豬肉的濃郁😚餐廳入面仲有一個特色，就係可以打高爾夫球！佢地用電子屏幕，模擬真實場景，唔使出門口都可以享受打高爾夫球嘅樂趣。仲有大屏幕可以睇高爾夫球比賽，無論係自己打定係睇比賽都咁過癮。另外，餐廳仲提供飛鏢玩，食完飯之後可以同朋友一齊玩吓，真係一個放鬆心情嘅好地方