山城小麵 (懷仁街) (已結業)

今日入到黎大埔行過一間小店見佢食各款中式麵食幾得意就入左去試一試。叫左個二人餐，有兩個小食分別叫左蒜泥白肉同黃金皮蛋。白肉份量十足，但皮蛋係一個驚喜位，係小店到食到流心皮蛋，加上酸酸辣辣既汁好開胃。之後到麵食，第一個係滷蛋炸醬麵，加左錢轉刀削麵味道都不錯。都質好煙靭又唔會厚，雖然應該係機製但都好有口感。另一個係山城小麵，其實係一個素湯麵，揀左幼麵果然好滑，上面叫左三個餸分別係雞翼大腸同煎蛋，呢個車仔麵既感覺幾過癮。最後仲有個甜品，冰粉做得好滑，入面有啲山渣碎好好味，個糖都唔會太甜，值得一食。總結佢二人餐份量充足，麵質都好到位，加埋油菜同咁多餸仲有兩杯野飲其實都唔洗180蚊。