魚米家魚湯米線 (已結業)

玩具鋪結業，於是同老公黎到將軍澳掃平貨。掃貨後都已經係晚餐時間，經過魚米家，係門口聞到麻辣味，嗜辣嘅我即刻決定食呢間。瑞士雞翼撈公仔麵餐 $58 - 餐有烘多士、火腿、炒蛋，味道普通。瑞士雞翼有4隻，都夠入味，公仔麵煮得啱啱好，夠彈牙。招牌魚腐米線（轉麻辣魚湯底) $45 + $6 (凍飲) - 米線一上枱，聞到濃濃嘅麻辣味，於是急不及待試下個湯。但是失望了，湯底有麻無辣。內有7件魚腐，份量都ＯＫ。魚腐有鯪魚味亦好嫩滑，叫得招牌所以都是好食。