諸勝堂

營業中

休息中

諸聖堂就喺旺角，諸勝堂呢，就喺上環，千祈唔好搞錯😆。下午茶時間幫襯，叫咗個椒香瑞士汁芫茜拌麵配自家製鹵水雞翼，見 menu 居然有愛爾蘭咖啡，於是又叫咗杯試下。我幾鍾意伴麵嘅口感，彈牙得嚟又唔腍，味道亦好有趣，有甜豉油味，有麻油味，仲有麻辣味，但係就一啲都唔辣😂，一啖拌麵一啖芫茜，好正👍，至於鹵水雞翼就正常水準。愛爾蘭咖啡偏甜，咖啡味同酒味都稍弱，不過喺茶記有得飲，已經好難得。值得一提，店內牆上掛咗好多以香港各區為主題嘅貓貓畫作，好靚，亦帶出濃濃嘅本土情懷🤗。