61E Coffee

營業中

休息中

經過見到開左新cafe，裝修幾靚，走木系田園風路線，好多植物打卡應該唔錯。叫左一份早午餐、一杯Latte。🐾早午餐 $118有煙三文魚、半舊牛油果、腸、炒蛋、酸種包、煙肉、車厘茄同南瓜粒。味道普通，蛋底過熟、但面又過生。南瓜有d硬，牛油果過熟，反轉已開始變黑同半溶，酸種包就唔錯，香脆好食。🐾Latte $38有少少細杯，但都唔錯，幾好飲。服務態度亦需改善，有位店員可能見我一個人係咁影食物，可能有d阻住佢，語氣都幾惡同黑晒面咁講：「唔該！！」亦冇再講任何野，我估係示意叫我讓開啲卦，我就講唔好意思跟住行開喇。希望可改善食物用料，還有店員的溝通技巧，無謂浪費咁靚嘅裝修。