鮪屋日本料理 (已結業)

Lunch同同事去呢度食。一早訂左位，因為上星期諗住walk-in但冇位，當時實在太天真!哈哈Set lunch有一張A4紙(底加面)咁多款，睇到眼花@@ 原本諗住食牛肋骨飯，但抵受唔住佢寫滿一版都係既刺身飯。最尾叫左帆立貝三文魚籽牡丹蝦刺身飯。上沙律，上埋湯，再等25分鐘，刺身飯終於到!店員話因為只有1個師傅整壽司刺身，同埋好多張單，所以時間耐左。師傅將帆立貝切成薄片鋪0係飯面，三文魚籽沒有想像中新鮮，有點兒「腍」正常份量，牡丹蝦亦無什麼特別好食。有點兒失望，唯有下次再比機會吧!反觀，同事叫同樣既飯，不過佢唔食牡丹蝦，轉做海膽。4舊大的長的海膽再撈飯食，好美味啊!