純寿司 (已結業)

星期六LUNCH TIME 黎呢到食飯，唔洗點等位，點知，坐低之後先係惡夢既開始。迥轉帶上係有好多野食，但係大部分人都係落ORDER等佢送上黎，可能覺得咁樣D食物會新鮮D啦。大部分既食物都可以接受到，個蒸蛋好好味，又夠熱又落足料，唔太鹹。但係煙三文魚壽司同加洲卷就真係有好大既進步空間啦。食完煙三文魚壽司後既碟可以油到咁， 好恐怖，真係好想知道佢既製作過程。 加洲卷可以俾d頭頭尾尾個客食， 仲差過超市買果d, 佩服。