妹記大排檔 (已搬遷) 新店位置

同老公兩個人見吾洗等位，於是就試一試，order前參考了openrice既食評，叫了生啫通菜、炸豬手、魚雲煲、炒蜆。首先吾洗3分鐘，炒蜆就上桌，快到我地都吾信，前後10分鐘內全部餸來齊，未食睇個餸外觀，直覺餸係已經煮定，只係夾落隻碟度就上菜。首先，碟蜆d㳄汁已經「鯨左」，味道得個鹹字；其次係炸豬手，無咩特別；第三係魚雲煲，嘩！無肉食，都係得個鹹字！第四係通菜煲，吾好意思，都係鹹同鹹，我地忍吾住要每人一罐可樂解味精囉！由落order到埋單走人，只係30分鐘，急急腳要再搵其他食店醫肚。其實，叫得大排檔，好自然會期望d餸有鑊氣，但我地覺得同大X樂、大X活既作風無分別。是次共$292。