Neighbor (已結業)

尋晚同朋友來食飯，朋友之前食過，覺得可以帶我去食，點知到最後，朋友話，比起之前，食物質素差左好多尋晚好多人都人叫2人餐，但我地反而散叫。叫左一款黑松露pizza，一客和牛，一碟徳國腸，同沙律。首先講下沙律先，醬汁偏咸，我無諗到沙律都可以甘唔健康既😂😂然後上pizza，我發現係好食既，不過黑松露味反而唔太出眾，如果可以重味d就更完美啦！值得一食既！之後上和牛配三文魚籽，呢款，我覺得好失望，因為燒汁超咸，原本配菜脆肉瓜係好甜既，但點知一入口就好咸，牛肉就非常的熟，熟到無d牙力都非常難咬既程度我自問對食牛無乜要求，但真心唔推薦。另外d三文魚籽，我見唔到有，因為已經俾醬汁掩蓋左。。。。。後來上左徳國腸，都唔錯，值得推！不過食到最後，我地係食唔哂。因為俾pizza霸住個肚嚕，其實d薯條炸得好食呀😂到最後，上埋最後送既個朱古力甜品！女孩子有個甜品肚，食落又好食，結果食哂！飲品方面，我就叫左烤布蕾波波茶，朋友叫左黑松露可可。波波茶d珍珠好硬，好難咬，感覺係無煮熟既感覺囉。朋友杯可可，都係無乜味，有d難飲，所以到最後成杯都無點掂過😑整體而言，唔會再食返呢間。