Wheatfield X 羅宋湯專門店 (青衣城) (已結業)

我對食物都有啲要求，尤其屋企一向係做飲食業嘅，啲嘢食掂唔掂，我一食就知道，冇野瞞得過我法眼。呢間餐廳號稱買上海西餐「羅宋湯」，搞到我心思思，就立心嚟試試。老實講，老上海嘅羅宋湯係乜味，我唔知但家陣係呢度飲到嘅羅宋湯就唔係太啱我口味，因為味道係比較淡，雖然未至於淡口，但就係未夠濃，而且味道欠缺平衡，好皮毛。一味大吹大雷，又話煲幾耐，又話乜野食材質料上等，係冇用嘅，一食落口只有兩個結果，一係好味，一係唔好味，呢度嘅羅宋湯係未夠班。經典迷你蝦多士，食落口就知道個包炸得未夠透，蝦膠肉還算OK，但唔係好食。我真係覺得有啲失望。