天丼

營業中

休息中

次次都見好多人排隊，難得唔駛等位，終於有機會試下。 如果以炸物專門店黎講，呢間價位算經濟。一坐低，店員會俾杯麥茶你，茶係免費而且店員會主動幫你加茶。我哋叫左‘魚喜’天丼同華味鳥天丼加一份番薯天婦羅。食飯會有麵豉湯跟上。碗飯看似好多餸但主菜其實得兩舊，其他都係炸配菜，不過佢啲配菜都係高質的。炸物中其中一塊雞肉係最驚喜，有鮮味，好彈牙好似食緊魷魚咁，其他炸物其實都正正常常，唔係特別好食，當然佢個炸粉係唔錯，但係冇覺得超好食嘅感覺。另外，炸番薯有點失望，因為番薯唔甜，佢選用咗橙色品種嘅番薯，呢隻係難啲好食。總括而言，呢間炸物店普普通通，以呢個價錢都ok嘅，下次有機會可能試吓啲蕎麥麵同烏冬。