影片
更多
2024-07-15
923 瀏覽
聽講座銀雞白湯好出名 又見YouTube 前排有個拉麵達人話中環嗰間唔錯 於是就自己一個踩過海嚟試試 畢竟之前係食開豚骨 魚介嗰D 第一次食雞白湯 又見好評如潮 所以期望好大 點知 跟住個地圖行 結果去錯 唔係YouTube 嗰間地舖 咁唔緊要啦 錯又錯著 見咁新應該新舖 會有人把關 可能會更好食呢 膽粗粗點咗份多人推薦的沾麵 話面質 口感都唔錯可能係正放晏時間 人都幾多 咁佢哋安排我坐喺吧枱位啦坐低先有一個杯同個碟姜末同應該係炸淮山？咁就自己斟水 係淨水 唔係檸檬水 玩咗陣手機先有個麵上 但仲未有湯過多一陣先有個湯上 嗰女員工都有話小心熱啊 但我見佢攞嗰夾夾住碗湯 行過最少三位做緊嘢嘅同事 中環地方貴 劃嘅地方窄 佢哋一個炸爐 一個麵爐就係隔離 仲有一個唔知係咩啦 真心 我係幾怕嗰夾夾唔穩 咁就真工業意外 根本完全無位避至於碗湯 其實冷氣開得咁足 又攀山涉水咁過嚟 其實唔熱得去邊囉咁湯到 就開餐沾麵 浸湯前 食咗一啖 係煙韌嘅 仲有種香 係唔錯嘅 但麵痴埋一舊 好難抖開 （就連筷子都pack得超好 筷套太實 要一支一支咁退出嚟 唔知係我蠢定其實係佢哋有快捷攞出嚟嘅方法啦 定係我我嗰對
第一次食雞白湯 又見好評如潮 所以期望好大
點知 跟住個地圖行 結果去錯 唔係YouTube 嗰間地舖 咁唔緊要啦 錯又錯著 見咁新應該新舖 會有人把關 可能會更好食呢
膽粗粗點咗份多人推薦的沾麵 話面質 口感都唔錯
可能係正放晏時間 人都幾多 咁佢哋安排我坐喺吧枱位啦
坐低先有一個杯同個碟姜末同應該係炸淮山？
咁就自己斟水 係淨水 唔係檸檬水 玩咗陣手機先有個麵上 但仲未有湯
過多一陣先有個湯上 嗰女員工都有話小心熱啊 但我見佢攞嗰夾夾住碗湯 行過最少三位做緊嘢嘅同事
中環地方貴 劃嘅地方窄 佢哋一個炸爐 一個麵爐就係隔離 仲有一個唔知係咩啦 真心 我係幾怕嗰夾夾唔穩 咁就真工業意外 根本完全無位避
至於碗湯 其實冷氣開得咁足 又攀山涉水咁過嚟 其實唔熱得去邊囉
咁湯到 就開餐
沾麵 浸湯前 食咗一啖 係煙韌嘅 仲有種香 係唔錯嘅 但麵痴埋一舊 好難抖開 （就連筷子都pack得超好 筷套太實 要一支一支咁退出嚟 唔知係我蠢定其實係佢哋有快捷攞出嚟嘅方法啦 定係我我嗰對先係咁
湯 本身睇過食評 都有曬心理準備 係比較鹹㗎啦 但我以為只要麵唔係浸太耐 正常食應該啱啱好 但 事實上 真係鹹咗 仲要麵唔係掛湯㗎
啱啱食完嗰麵香 嘩 係湯到過咗一下 真係 即刻唔同咗 麵質仲有 但味道真係 嗯有點失望 嗰湯係唔係creamy 真係唔知道 畢竟個湯唔可以齋飲 但鹹真係可以話你知 係鹹 唔係濃嗰隻鹹
但嗰肉 同係碗湯裏面嘅雞叉燒 真係唔錯 好嫩 唔嚡 肉食愛好者應該會好愛
嗰葱絲係夠嘅 換換口味 清新下嗰口 淨化下自己條脷（好重要！）
嗰炸物 唔知係咪真係炸淮山啦 我估咋 係好食嘅 同麵一齊食 嗰口感係真唔錯 有畫龍點睛嘅作用
嗰薑末我臨尾加咗落個湯到食 係無仼何變化 作用不大 可能因為本身就少？
我食嘢無做其他嘢嘅 一嚟到影咗張相 就即刻食啦 唔知係唔係本身嗰湯就唔太熱定有冷氣嘅問題啦 但我本人唔覺得凍 食到一半就凍曬 但我見D員工又走曬另一邊去做嘢 唔敢大叫叫人加熱 直至嗰個送湯過嚟嘅女員工過嚟執嘢 （清潔係我面前洗嘢）我先問 原來呢度嘅湯加熱唔係攞熱石 而係嗰員工攞走我嗰碗湯 然後又係咁樣夾過嚟 但呢次湯嘅熱度係比第一次嘅好 高D係會好食D嘅 但我都就嚟食曬囉
嗯 紙巾嗰啲 要自己走去人哋個位攞嘅
翻枱嘅速度都算快嘅
但價錢嚟講 對我嚟講 性價比真係唔高 試試新嘢就算啦 未必會再特登過嚟囉
嗯 但聽隔離食拉麵嘅客話唔錯 我見個炸物真係大塊 係我呢幾條嘅幾倍 可能如果下次真係要嚟食呢間就直接湯拉麵就算
雞白湯沾麵
$178
101 瀏覽
0 讚好
0 留言
張貼
