老點點心竹筒飯 (已結業)

無論係傳統點心定新派點心我都好中意食，平日耐唔耐就會同友人去飲下茶享受下中式既悠閒。呢日去到旺角，我地就去左係旺角染布房街既老點點心竹筒飯，貪佢有好多新式點心。一去到條街就見到好多人係門口等緊，而排係我地前面有5張飛。雖然係5張飛，但可能餐廳地方唔大，我地都等左成40分鐘先入到去。一入到去先見到D位同位之間都好迫下，而且我地係4人台，要同人搭台。係攞飛既時候，店員會派埋點心紙，所以我地一入去已經好快手咁遞張點心紙落單。不過可能製作需時，遲過我地坐低既客已經食緊野，我地order既都仲未上。又過了15分鐘度，終於有野食啦！呢個燒賣幾大粒，而且d蝦好新鮮彈牙，又食到黑魚子既咸香味。鮮上肉嚮鈴腸，一見到個名就覺得好吸引，又鮮又脆咁，一咬真係脆到「索索」聲，加埋彈牙蝦肉同滑滑既腸粉，口感非常豐富！值得一試！呢款有齊晒我中意既兩樣野：芝士同蘑菇！而且個撻皮都唔錯，3個有2個都係我食左。一上台果陣覺得呢個點心好油膩，唔多吸引。不過友人話好香酒味，叫我快d試下，抱住半信半疑既態度，冒住增肥既危機，我飲左啖，都真係幾香既，但唔會太濃，清湯咁。而d雲吞就略嫌細粒左少少。最後黎個冰梅豬手飯，豬手酸酸甜甜好