澳門丸記清湯腩王 (已搬遷) 新店位置

剛搬黎沙田。要4出尋找嘢食！黎到石門。一出馬鐵口，就見到依間嘢，又有個牌喺門口， 咪走過去八卦下啦～ 有個女仔走咗出嚟同我講。有下午茶優惠。緊系咪執輸啦～ 叫咗個海南雞飯，諗住穩陣啲， 家姐細妹就叫左個口水雞飯同埋雲吞撈麵。送杯嘢飲。 真係好食喎 ！啲雞又夠滑， 個油飯同其他啲油飯唔同， 平時食開嘅油飯真係好濟，依度依個冇濟既感覺。食完一碟仲有啲好似唔夠食甘。依個時候，緊系試埋家姐同阿妹果啲啦。家姐個口水雞飯，個口水汁好正喎。一啲都唔鹹，食落口都唔算太肥膩，家姐話超好食囉。阿妹叫左個雲吞撈面。我開頭有啲擔心。因為小朋友通常唔系好食 幼麵，因為嗰陣鹼水味，未必食得到。出奇地。阿妹好努力甘食。我當然系要試下啦，個面都完全冇鹼水味，唔怪得佢系甘食啦，而且佢唔系用蠔油撈，冇平時果啲甘鹹。阿妹成碗食曬。看佢兩姊妹食得甘開心，甘難搞既姊妹花都搞掂左。甘緊系要上黎評一評，比個啦～臨走阿妹仲同個姐姐講，以後佢地會成日見喎～姐姐話下次請佢食炸魚皮， 一聽到個炸字。就問我，甘下次即系幾時。系咪聽日？大家都笑左。