四寶食堂 (已搬遷) 新店位置

一向唔寫食評既我，試咗這間新開的四寶食堂既下午茶，真係忍唔住讚下這個超邪惡的火腿餐肉蛋芝士辛辣鍋麵！之前係韓國食過芝士辛辣麵，好恨再食！估唔到有得食，唔太餓都要試下！兩塊厚切午餐肉+一件火腿+仲有隻太陽蛋+芝士辛辣麵，雖然超肥但真係好食，跑多幾日步都值！個麵辣辣地好在杯凍奶茶夠大杯，正！雖然地方唔算大，大約得廿幾個位但勝在坐得舒服，唔會好迫！感覺到這間食堂真係用心經營，出品既食物雖然款式唔算多但絕不馬虎！食下午茶又多個選擇！