影片
更多
2008-02-12
7 瀏覽
與兩位友人去過呢間以法國菜為主打的私房餐廳, 總括嚟講, 一個宇...... "惦"!本夫人非常為食, 各區私房菜館餐廳, 無不膽粗粗登門拜訪, 但縱橫食海咁多個寒暑, 本夫人亦係第一次覺得, 世間竟有如此"有Heart" 的廚師, 無論喺選料,味道, 甚至乎處理伴碟的什菜, 果份誠意, 簡直....令人感動.....嗚嗚!首先-熱辣烘法飽(嚿牛油夠凍) .... 唔..Excellent, 脆!湯-法國什菜海鮮湯.... 好有水準, 疏菜味道好Fresh, 但係又食得出各樣海鮮粒真係好新鮮..., yummy, 正!前菜-由於我哋幾個想樣樣都試d, 廚師Micheal 又好nice 咁話no problem, 結果... 我哋三個好幸福咁一人試勻三款.... 田螺(牛油同香草啱啱好, 唔會好"膩") Smoke Salmon (酒店貨式一般偏鹹, 但呢度唔會) 鵝肝醬脆餅(滑溜! 濃郁, 夠pure 無渣!)主菜-嘩...., 果件黑松露汁心型西冷, 料又正, 樣又靚. 味又好,....又腍又無渣, 仲晌個邊度夾住少少燒香咗嘅牛油... 噓...膽固醇萬歲!!!其實件西冷整得咁
本夫人非常為食, 各區私房菜館餐廳, 無不膽粗粗登門拜訪, 但縱橫食海咁多個寒暑, 本夫人亦係第一次覺得, 世間竟有如此"有Heart" 的廚師, 無論喺選料,味道, 甚至乎處理伴碟的什菜, 果份誠意, 簡直....令人感動.....嗚嗚!
首先-
熱辣烘法飽(嚿牛油夠凍) .... 唔..Excellent, 脆!
湯-
法國什菜海鮮湯.... 好有水準, 疏菜味道好Fresh, 但係又食得出各樣海鮮粒真係好新鮮..., yummy, 正!
前菜-
由於我哋幾個想樣樣都試d, 廚師Micheal 又好nice 咁話no problem, 結果... 我哋三個好幸福咁一人試勻三款....
田螺(牛油同香草啱啱好, 唔會好"膩")
Smoke Salmon (酒店貨式一般偏鹹, 但呢度唔會)
鵝肝醬脆餅(滑溜! 濃郁, 夠pure 無渣!)
主菜-
嘩...., 果件黑松露汁心型西冷, 料又正, 樣又靚. 味又好,....又腍又無渣, 仲晌個邊度夾住少少燒香咗嘅牛油... 噓...膽固醇萬歲!!!
其實件西冷整得咁出色, 伴碟什菜就算係求其是但, 比個普通嘅薯菜嚟, 本夫人亦已滿足, 但係.... 呢個廚師....對做餐嘅執著, 對食物嘅專重, 真係令本夫人十分敬佩! 佢竟然用最靚嘅白薯, 逐片逐片, 梅花間竹咁加入茄子片, 同新鮮茄蓉焗至軟綿綿, 少少香草味.....嘩, 真係而家仲記得有幾好食!!!
甜品-
有三款, 都做得非常好, 尤其果個下層有類似麥提莎個芯果款, 唔係太甜, 又香又脆, 口感一流, 本夫人雖然已經食到十成飽, 但係都要食埋佢...( 啋! 再讚, 人哋會以為呢段係廣告噃, 都係留番比普羅食家親嚐好過喇!)
張貼