T4 清茶達人 (已結業)

菲林明道新開左間台灣珍珠奶茶，叫T4清茶達人，今日咁啱經過就買黎跟同事分享一下。呢間係台灣品牌過黎香港發展，店員都係講國語，吾通店員都台灣運過黎？🤔先黎個主打玫瑰清茶，好清香既玫瑰花香，略帶酸酸甜甜，額外加既珍珠，絕對吾會係另係單調既清茶。珍珠奶茶，呢度可以揀大珠，細珠或者mix ，當然係要 mix 啦， 大細珠食落好有咬口，奶茶好滑，不錯。冬瓜茶係清甜。香芋冰奶昔，有香濃既芋頭味，芋頭控必試。甜度又可以揀，冰量又可以揀。另外，外賣熱飲會用膠杯裝，店員解釋有客人 feedback 紙杯裝外賣會有滲漏溜，所以外賣就會改用膠杯裝，可以密封包裝，店員又黏膠紙係面，話怕插飲管時噴射出黎會淥親。睇得出店員好有 heart 去賣茶。👍