影片
更多
2021-04-10
74 瀏覽
好味指數😋😋😋😋回頭指數⭐️⭐️⭐️⭐️開心指數🤗🤗🤗🤗響佐敦附近行下行下，未諗到食咩... 諗住行去莊士倫敦廣場睇下食咩好，見到地下呢間台式一人一鍋專門店係一間新店，自己一向都鍾意食台式鍋，因為已經set 好入面嘅料，豐富又多樣化，我又鍾意食麻辣，見唔係太貴就入去試下～晚餐基本上係套餐，$115 有一個鍋 + 飯或粉絲 + 紅茶或綠茶... 佢有12款鍋揀，選擇都幾多樣化，有經典台式類、蔬菜類、美肌類、藥膳類仲有韓式部隊鍋...🍴台式麻辣鍋入面有牛肉片、鴨血、米血糕、爆汁牛筋丸、海鰻魚丸、香菇貢丸、娃娃菜、蜂巢豆腐、炸枝竹、鳴門卷、冬菇、金菇... 大大鍋，見到好開心，個湯底嘅麻辣唔算好辣好麻（可能係我食得太辣🤪），個味好香好惹味，對於食得D辣又怕會太辣嘅人係啱啱好嘅，本身個湯都已經令到食物好好味，已經唔使再落醬料（佢有個完美比例 - 3匙豆瓣醬 / 沙茶醬 + 2 匙豉油 + 1匙蒜蓉... 試咗... 係幾好味... 不過唔使用😝）🍴老薑麻油雞鍋入面有雞肉片、老薑、米血糕、蟲草花、胡椒豬肚丸、海鰻魚丸、娃娃菜、蜂巢豆腐、炸枝竹、鳴門卷、冬菇、金菇、台灣麵線... 首先一嚟到試下個湯先，唔
回頭指數⭐️⭐️⭐️⭐️
開心指數🤗🤗🤗🤗
響佐敦附近行下行下，未諗到食咩... 諗住行去莊士倫敦廣場睇下食咩好，見到地下呢間台式一人一鍋專門店係一間新店，自己一向都鍾意食台式鍋，因為已經set 好入面嘅料，豐富又多樣化，我又鍾意食麻辣，見唔係太貴就入去試下～
晚餐基本上係套餐，$115 有一個鍋 + 飯或粉絲 + 紅茶或綠茶... 佢有12款鍋揀，選擇都幾多樣化，有經典台式類、蔬菜類、美肌類、藥膳類仲有韓式部隊鍋...
🍴台式麻辣鍋
入面有牛肉片、鴨血、米血糕、爆汁牛筋丸、海鰻魚丸、香菇貢丸、娃娃菜、蜂巢豆腐、炸枝竹、鳴門卷、冬菇、金菇... 大大鍋，見到好開心，個湯底嘅麻辣唔算好辣好麻（可能係我食得太辣🤪），個味好香好惹味，對於食得D辣又怕會太辣嘅人係啱啱好嘅，本身個湯都已經令到食物好好味，已經唔使再落醬料（佢有個完美比例 - 3匙豆瓣醬 / 沙茶醬 + 2 匙豉油 + 1匙蒜蓉... 試咗... 係幾好味... 不過唔使用😝）
台式麻辣鍋
4 瀏覽
0 讚好
0 留言
5 瀏覽
0 讚好
0 留言
🍴老薑麻油雞鍋
入面有雞肉片、老薑、米血糕、蟲草花、胡椒豬肚丸、海鰻魚丸、娃娃菜、蜂巢豆腐、炸枝竹、鳴門卷、冬菇、金菇、台灣麵線... 首先一嚟到試下個湯先，唔算好重麻油味，薑味都未係好出，不過發現，煮多一陣會變得濃味咗，薑味會再出D，唔錯！雞肉都幾滑，覺得最出色嘅係台灣麵線，真係好彈牙，撈少少個湯食，真係好有台式風味😋
老薑麻油雞鍋
4 瀏覽
0 讚好
0 留言
🍴台式雞皮卷（$36）
熱辣辣，個皮勁香脆呀！勁惹味，中間個雞肉好爽口，幾彈牙，好有台灣夜市小食feel!
台式雞皮卷
0 瀏覽
0 讚好
0 留言
1 瀏覽
0 讚好
0 留言
🍴紐西蘭羊肉片（$48）
份量都多，大概有10片（冇特別數🤪），肉質爽口，質素唔錯👍🏼
🍴檸檬冬瓜茶（+$7升級）
朋友飲嘅，大叫好飲，我都試咗啖，好清新呀，唔係太甜，好味！
🍴蜜桃四季春 + 珍珠（+$7 升級另加$5珍珠）
四季春茶底好香又夠茶味，唔嚡！配埋蜜桃味好夾，珍珠夠煙韌😋
1 瀏覽
0 讚好
0 留言
🍴滷肉飯 （+$7升級）
呢個滷肉飯味道唔錯，肉係半肥瘦，好香!
0 瀏覽
0 讚好
0 留言
我哋去食嘅時候比較早，未係好多客，有卡位坐，好舒服～ 晏D就開始多人啦～ 服務態度好👍🏼
張貼
