肉餅哥小炒料理 (已結業)

之前已經有其他媒體介意過呢間專門食「肉餅」嘅餐廳，呢間餐廳總共有33種唔同款式嘅肉餅，有蒸嘅肉餅及有煎嘅肉餅選擇。一坐低，侍應就會放低每人一碗嘅老火湯（雞腳菜湯），碗湯嘅味道好好飲，好有屋企嘅感覺。而今次我哋就食「秘製金沙蛋黃肉餅」同埋「蝦膏蟹蓋肉餅」，兩樣都係蒸嘅，而轉菜飯或者油飯都係額外加$2蚊。大約等左十分鐘左右，肉餅就到啦！相信都係即叫即蒸/煎！兩款嘅肉餅味道都啱啱好，份量都足夠。值得再去試其他款式肉餅！不過，就係冇咖啡奶茶檸茶檸水飲，只有罐裝汽水同支裝果汁。希望遲啲會有咖啡奶茶檸茶檸水選擇。最後環境方面，枱與枱之間都比較狹窄。