第三站

蟹肉雜菌忌廉闊條麵 $88 忌廉醬煮得好厚，唔水，黏住每一條麵。食落去每一啖都可以食到蟹肉雜菌嘅味。餐廳比左好多蟹肉，有一個權頭咁多。松露薯條$66 薯條炸得好好，咬落去係鬆脆可口。賣相都好靚，金黃香脆。蜜糖芥末單骨雞翼$76雞翼做得好好味。deep fry 完之後皮脆肉嫩，又入味多汁。配埋蜜糖芥末醬好惹味食唔停口。墨西哥香草肉丸$76肉丸個醬好特別，有啲似bbq 醬但係又少左陣煙燻味。肉丸煮完之後再焗，所以外層結實香口，肉層好多肉汁。特濃朱古力$44 真係特濃朱古力，其他餐廳會加水加到好稀，但係依個好夠朱古力味。Oreo 曲奇奶昔$58鐘意佢oreo 碎落得好多，同奶昔好配搭。而且又唔會好甜，同frd 一邊食嘢一邊飲野就最啱。