Cova Pasticceria & Confetteria

營業中

休息中

今年由於冇晚市，冇得同屋企人出去慶祝生日，加上佢地都係同一個月生日，所以先後係呢間買咗生日蛋糕😆😆😆▪️Mango Cream Cake🎂芒果味算係呢間名物嚟架，見個個都推，於是我就買咗呢個啦。初初我驚我屋企人唔鍾意食架，因為屋企人唔係好鍾意食cream，但之後見佢哋食嘅反應，我諗係我諗多咗啦😆😆😆一打開，好香嘅芒果香味湧出嚟，啲cream 好幼滑，入口即溶，啲芒果又唔酸，成件事好夾，真係可以係咁食，連屋企人都食咗兩件😆😆😆▪️Baked Cheese Cake with Fruits🎂相比起Mango Cream嗰個，呢個嘅口感同味道就稍為遜色少少啦，但佢賣相係加分嘅。上面啲生果好新鮮，啲紅莓都見到佢啲毛架😆😆😆個芝士蛋糕有少少似日式芝士蛋糕，蛋糕冇咁濕潤同空氣感唔多，芝士味唔算好重，飯後食都唔會好漏同膩嘅。