Morokok (家樂坊)

營業中

休息中

同朋友飯聚，最緊要餐廳夠闊落，最好啲酒又好飲，呢間餐廳就滿足到我哋要求啦！餐廳好大間，唔使限時限刻趕人走。菜式除咗一般泰菜會有嘅選擇，仲會有西式嘢食，不過我哋今次就冇試。我哋叫咗生蝦刺身、青木瓜沙律、冬陰功湯、明爐烏頭王，仲有各自嘅cocktail。所有菜式都夠晒辣，好啱鍾意食辣嘅我！生蝦刺身🦐夠晒彈牙，而且有好多隻，抵食！青木瓜沙律🥗青木瓜爽脆，辣味適中，食完好開胃。冬陰功湯🥣好足料，有唔同嘅海鮮，四個人分每人有一碗以上。明爐烏頭王🎣烏頭夠大條，唔會煮到啲肉實曬，而且個湯好好味。