意粉狂熱 (皇室堡) (已結業)

今日仔仔學校家長日，見完家長，就去行下街啦。咁岩我要去銅鑼灣拎野，所以就去左銅鑼灣行街同食lunch。最衰銅鑼灣間IKEA冇餐廳，如果有就一定會去食肉丸。因為想去IKEA買肉丸，所以就選擇係果邊附近食LUNCH啦。都行左好幾個商場，最後係皇室堡，上上落落行左幾次，最後仔仔終於決定食意粉狂熱。原因係佢見到餐牌上面有加量意粉喎。咁我見又有PIZZA 果D，都好丫，加量意粉仔仔實夠飽，我個Pizza佢想食就食，唔食最多拎走之嘛。其實都幾抵食，包餐湯或沙律加個凍飲。仔話湯好味喎，沙律就正常，飲品都幾好，唔會話冇味。所謂既加量意粉，仔見到＂吓＂左聲，咁就加左量？結果佢當然係唔夠飽，食埋我半個PIZZA，都唔係太飽。同依個意粉麻麻地，可能落得太多蒜頭。和風烤雞PIZZA，好似係咁上下。依個都幾好味，個批底都好味。唔，兩個人食好似百七咁上下。唔太得，咁環境都坐得舒服，食物跟餐湯同飲品都算係咁。份量其實都OK ，只係佢話加量，結果份量只係正常而有少少失望。