夢見屋 (已結業)

週末晏起身，出得門口已過2點，本來唸住去食壽司，但之前一晚睇完"孤獨的美食家",好想食綠茶甜品。妹子提議去新開嘅夢見屋，我地即時動身，向上環出發。去到發現竟然有下午茶時段，好似幾抵食咁.....我地3個人叫左3個下午茶餐，一個咖喱飯，一個意粉，一個pizza. 先要講下d service，佢有6 個侍應，其實有非常充裕人手,可惜係只有兩個人可以落order同入機,結果淨係等落單都等左好耐。送餐亦非常有趣,明明有托盤,但係偏偏唔用,係要直接用手揸住隻碟同杯送餐。食物方面,咖喱炸雞飯嘅咖喱汁幾好味,不過炸雞麻麻地,好油淋淋。飯嘅份量亦唔夠。卡邦尼意粉嘅汁夠creamy,意粉唔萛太林,萛係三個之中最好食。pizza真係好唔得吓,嚴格講,佢係一塊餅上面放茄汁芝士同火腿。個人唔鍾意咁樣嘅pizza, 個底好硬唔脆, 味道唔夠芝士, 三款之中最差。跟餐有飲品, 另外可加錢要特飲。我地要左一杯熱咖啡,一杯熱綠茶, 一杯綠茶雪糕新地。飲品問題係熱飲唔夠熱, 特別係咖啡, 直情唔熱。