桃花源 (已搬遷) 新店位置

今日去左午餐食蛇+ 小菜，食品我只覺得一般( 所以唔講喇) ，不過就同場加演一隻手板咁大倒既老鼠由廚房方向走向人群，好多客就向外逃跑+ 尖叫。都幾得意架，直至果隻老鼠由地上跳上我後面個盛載" 乾淨" 碗碟既檯面，輕盈地走過所有碗碟之後再落地消失在人海中。最經典係樓面姐姐同我講：『唔洗驚喎，我地呢d 地舖，有老鼠好平常姐。』佢跟住面不改容咁張d " 經老鼠行過既" 碗碟繼續供應俾所有新既客人用。小弟聽聞呢間店乃前恒生頭廚退休自己出黎開既店，我好多世叔伯都話用佢做飯堂，今次真係有d 失望所以先會寫我第一個" 喊" 既食評。