Tiger Curry (已結業)

好少食咖喱嘅我，今次同朋友經過銅鑼灣，比tiger curry嘅裝修吸引到入去試。 係轉角位，係繁忙嘅地點中食飯別有一番風味。 裝修有一種說不出嘅味道，似cafe又似bar 而且係銅鑼灣呢啲寸金尺土嘅地段，一啲都唔會覺得擠逼，環境係值得一讚嘅。第一次黎食，一開始唔係幾識點餐，好彩最尾都成功點到。 叫左一個番茄汁配牛肉，另一個咖喱汁配雞肉。份量非常大，三個女仔，兩個餐share都太飽。 不過以咖喱屋黎講，我返而覺得佢地嘅番茄汁更吸引我。味道夠濃，配飯一流。一個飯加主菜盛惠90 ，我認為試過就夠。而且，其中有啲staff嘅態度仲可以有改善空間。希望下次有機會再去會有改善啦。