狂野麻神麻辣火鍋 (已結業)

星期四晚正常都多人出街食飯，因為遲book位，好多間都full咗。但係上到去麻神見到好多吉檯，驟眼望好似只得4、5檯，都覺得有d唔妥。不過算啦，太鍾意麻辣火鍋，又好耐冇食，當試吓新嘢啦。叫咗個麻辣+花膠雞鴛鴦鍋，但係麻辣唔辣、亦都唔麻，淨係覺得鹹，同少少辣，完全唔覺得同麻辣有任何關係 😑。。。花膠雞就幾好味。湯底都係偏鹹，煲耐咗就更鹹。我哋叫咗幾種牛肉、菇啊、菜啊、餃子、台灣老油條，嘢食就 ok 啦正正常常，份量偏少。而老油條我覺得佢炸得太over太油，同埋食落太硬，反而放落湯的就好快散。Service 亦都麻麻，明明鋪入面都冇乜客好靜，侍應係完全唔忙嘅，但係食食吓就開始一個人都見唔到，有幾次想搵侍應時，要大聲d 叫人先有侍應行出來，真係好奇怪。食完就明白點解有咁多優惠，個湯底可以買Openrice 優惠卷，like 佢社交平台 就送 500ml sake。嗰度真係冇乜人，好唔熱鬧，感覺實在太靜喇，都有d 驚，唔會再去。