臻 (已結業)

從網上得知屋企附近有間新開既新派點心, 所以尋日星期日就去試下啦! 餐廳位置都幾近香港大學站, 由山道出口步行至餐廳應該不用十分鐘。我地到達時係中午時分, 幸好有一張吉枱, 遲我地一步既食客就要等一等喇。MENU選擇唔多, 如果想食腸粉既恐怕要失望了。我地總共點左五樣食品分別係: 海皇扇貝餃、鵝肝醬蝦春卷、胡麻手撕雞、水煎包、招牌蒸飯配銀雪魚及墨汁芝士蝦餃胡麻手撕雞 $32 – 一般, 冇特別, 麻醬唔夠香海皇扇貝餃 $38三件 – 味道一般, 冇鮮味水煎包 $38 三件 – 全餐最好食, 包煎得夠香但唔會油林林, 味道夠招牌蒸飯配銀雪魚 $58 – 食蒸飯唻講豉油都好重要, 但呢度冇提供, 我都冇問; 飯粒夠乾身但唔硬, 鱈魚味道同質地都不錯, 但稱不上係”招牌”墨汁芝士蝦餃 $45 三件 – 賣相一絕, 但咬下去就失望了。。。皮唔夠滑, 蝦肉唔鮮兼唔爽, 味道同芝士好似唔多襯(冇相) 鵝肝醬蝦春卷 $38三條 – 好味, 新鮮炸起好脆口, 唔油, 但唔多食到鵝肝味整體而言, 食物既賣相比真實味道吸引, 以上冇一樣食物令我深刻同值得推介。如果大家唔係街坊, 個人意見唔值得長途跋涉。