影片
更多
2024-09-07
198 瀏覽
今日同男友嚟咗尖沙咀呢間居酒屋食飯。晚市時段都幾多人客幫襯。店員安排咗我哋坐吧枱位置，可以睇住佢哋準備食物，同時間亦都聞到勁香嘅烤肉味。三款刺身拼盤 ($128)呢間居酒屋嘅刺身都幾新鮮同肥美。三款刺身分別係吞拿魚、三文魚同埋油甘魚，都係厚切。食落好啖啖肉之餘，魚嘅油香亦都係口中回味，非常滋味。852 海膽杯 ($268)叫得852海膽杯睇嚟係餐廳嘅招牌。幾欣賞佢整到好靚，賞心奪目，顏色鮮艷。魚生亦都比飯多，值回票價。海膽唔苦，魚子晶瑩剔透，吞拿魚蓉唔係淡茂茂無味的，整體不錯！雜錦天婦羅 ($148)分別有冬菇、番薯、茄子、蝦、芋頭。其中，個蝦食得出佢係有少少鮮味嘅。番薯亦都係嫩滑香甜。不過不失啦~雞肉串燒盛盒 (5串) ($168)分別有雞心、雞尾、雞脾肉加大葱、雞腰、雞腎，以醬燒/鹽燒嘅方法燒。其中，最出色嘅係雞尾，嫩滑多汁。雞內臟嘅口感都唔錯。白桃/巨鋒忌廉雪糕梳打 ($58)夏日炎炎飲返杯凍飲真係冇得輸。雪糕配上水果忌廉梳打好夾，佢仲夾住塊脆餅可以點雪糕食。
店員安排咗我哋坐吧枱位置，可以睇住佢哋準備食物，同時間亦都聞到勁香嘅烤肉味。
三款刺身拼盤 ($128)
呢間居酒屋嘅刺身都幾新鮮同肥美。三款刺身分別係吞拿魚、三文魚同埋油甘魚，都係厚切。食落好啖啖肉之餘，魚嘅油香亦都係口中回味，非常滋味。
852 海膽杯 ($268)
叫得852海膽杯睇嚟係餐廳嘅招牌。幾欣賞佢整到好靚，賞心奪目，顏色鮮艷。魚生亦都比飯多，值回票價。海膽唔苦，魚子晶瑩剔透，吞拿魚蓉唔係淡茂茂無味的，整體不錯！
雜錦天婦羅 ($148)
分別有冬菇、番薯、茄子、蝦、芋頭。其中，個蝦食得出佢係有少少鮮味嘅。番薯亦都係嫩滑香甜。不過不失啦~
雞肉串燒盛盒 (5串) ($168)
分別有雞心、雞尾、雞脾肉加大葱、雞腰、雞腎，以醬燒/鹽燒嘅方法燒。其中，最出色嘅係雞尾，嫩滑多汁。雞內臟嘅口感都唔錯。
白桃/巨鋒忌廉雪糕梳打 ($58)
夏日炎炎飲返杯凍飲真係冇得輸。雪糕配上水果忌廉梳打好夾，佢仲夾住塊脆餅可以點雪糕食。
張貼
