太吉

營業中

休息中

三不五時就會想食串燒，喺西環嘅太吉居酒屋係我其中一間鐘意嘅串燒店！舖頭細細幾有feel der🧡各種串燒同小食都非常之出色😋特別鍾意牛舌 ($70) 同埋白鱔 ($70) 👍🏻食完一次之後成日都心心念念可以返去食多次。酥炸小河蝦 ($80) 超級好送酒，食咗一兜其實都唔係好夠喉。其實已經去食過幾次，今次老闆娘仲推薦左燒白飯魚乾 ($45)。從來都未食過幾有趣，好食！仲有就係銀杏，老闆娘話依家正好係食銀杏 ($78) 嘅季節。佢嘅做法係用鹽焗。打開左粒銀杏光澤翠綠，食落去唔會有中國白果嗰種苦，而係煙煙韌韌。比起出面嗰啲一串三小粒，我覺得咁樣食過癮啲。我發覺酒盜芝士 ($65) 哩樣嘢又係次次去唔同嘅地方叫都會有唔同嘅做法。有時無餅無野送。有時個cream cheese唔好食。有時個酒盜太死鹹。而呢度嘅酒盜芝士雖然細細份但係就配搭味道各樣嘢都正合我心意。串燒：雞皮 ($25)、雞軟骨 ($25)、雞肝 ($35)、牛肋肉 ($50)全部都好好食，特別係雞軟骨。另外，自從嚟過呢度食串燒，我就愛上左佢哋放喺枱面嗰支有麻油味嘅辣油。