Lúa (已結業)

心血來潮突然間好想食越南野，咁岩係銅鑼灣東角附近見到「Lua」呢間特色越南菜餐廳，比佢紅色既牆身吸引住，加上露台位掛滿燈籠好似置身係會安古城一樣好有feel😍成個view搶眼之餘仲好靚, 打卡更加一流👍🏻店內闊落坐得舒服, 整間餐廳充滿異國風情Dinner set $248 + 必食既班蘭法包$118 🐤前菜 - 酸甜柑桔汁無骨鳳爪酸酸甜甜, 只有少許辣味, 非常爽口開胃 🦐小食 - 越南大蝦米紙卷大蝦好新鮮,入邊有檬粉同埋生菜、蘿蔔絲、青瓜絲配料,加埋煙韌既米紙食落去都幾清爽！加埋酸汁一齊食會更開胃 🐮主菜 - 生牛肉雜錦湯河入面有黑柏葉、牛扎肉、牛皮、牛肉丸、牛肋骨、生安格斯牛肉片等多種配料,湯汁鮮美濃郁，不油膩 。黑柏葉爽口彈牙, 牛肉鮮嫩😋熟度岩岩好, 牛扎肉口感比較紮實 🍮甜品 – 越南烏龍茶果凍烏龍茶既茶味唔算濃,配埋d奶蓋同菠蘿蓉一齊食味道都好夾 🌮班蘭布甸法包配自家製椰子雪糕 (需制作約20分鍾)佢除左賣相吸引, 咬落去脆卜卜好香口同陣陣班蘭味🤤每一啖都好有口感, 真係好好味😋班蘭控必試！