禮

營業中

休息中

餐廳門口用木框加燙門，第一下已感覺日式。入到去，大多數都係木系，座位安排比較鬆動。晚餐餐牌主要係各類型串燒- 雞肉，豚肉等，仲有玉子燒，沙律，丼，蠔等，相對地選擇唔算太多。飲品方面亦有日本sake,日本飲品俾人叫。同友人叫了豚肉串燒，厚切牛舌，蟹膏玉子燒同柚子雞扒丼，串燒質素幾好但相對地價錢亦屬於中上。蟹籽蟹膏玉子燒88蚊，第一口熱辣辣好味，蟹籽多到瀉，不過個玉子燒比起外面餐廳，size 比較細。最普通的卻是丼，價錢並非便宜，128蚊一碗，份量少得黎質素亦比較差，飯同雞扒都比較乾身。如果喜歡食串燒既人，可以來試。