影片
更多
2024-09-25
258 瀏覽
去尖沙咀搵餐廳食飯，行過見到呢間店舖，裝修得好有特色，完全好似搭咗時光機返去八九十年代。推門入去已經聽到八九十年代嘅流行曲，仲有好多懷舊嘅茶餐廳座位擺設等等，好適合打卡同埋約會。// 西冷牛扒薯菜兩個人撐枱腳，一定要叫塊鐵板牛。完全係還原茶餐廳鋸扒儀式感，有鐵板同埋上菜先淋汁嘅咋咋聲。塊牛扒好厚！完全唔係薄片牛扒有真鋸牛扒feel，煎得剛剛好三至五成熟！黑椒汁亦都唔會過分辣同濃烈，唔會蓋過牛肉味。唯一薯條一般般，雪藏出嚟炸，唔夠熱，炸得唔透、唔夠脆。最正最正係佢送餐湯羅宋湯，完全係真材實料，用唔同蔬菜煮出嚟，超好飲！微辣。好耐冇飲過呢種高質港式茶餐廳鋸扒湯。// 椒鹽豬扒煎蛋豬油撈飯見到OpenRice好多人叫豬油撈飯，本身好糾結叫唔叫好，始終豬油撈飯都偏肥同唔健康。點知！！！原來豬油、豉油都可以自己選擇落幾多同落唔落實在太貼心了！椒鹽豬扒好大塊，十分入味、煎得夠香，再淋滿美味嘅洋蔥汁、少少甜酸醬，十分惹味、送飯一流真係好可惜個肚完全冇空位，未試食佢出名嘅雪糕菠蘿包，下次嚟到一定要試食！另外有位男服務員完全好似發緊夢、新嚟，完全唔熟悉餐牌，邊啲跟餐有湯有嘢飲、邊啲要加錢。原本餐牌話加錢
// 西冷牛扒薯菜
兩個人撐枱腳，一定要叫塊鐵板牛。完全係還原茶餐廳鋸扒儀式感，有鐵板同埋上菜先淋汁嘅咋咋聲。
塊牛扒好厚！完全唔係薄片牛扒有真鋸牛扒feel，煎得剛剛好三至五成熟！
黑椒汁亦都唔會過分辣同濃烈，唔會蓋過牛肉味。
唯一薯條一般般，雪藏出嚟炸，唔夠熱，炸得唔透、唔夠脆。
最正最正係佢送餐湯羅宋湯，完全係真材實料，用唔同蔬菜煮出嚟，超好飲！微辣。好耐冇飲過呢種高質港式茶餐廳鋸扒湯。
西冷牛扒薯菜
$138
14 瀏覽
0 讚好
0 留言
// 椒鹽豬扒煎蛋豬油撈飯
見到OpenRice好多人叫豬油撈飯，本身好糾結叫唔叫好，始終豬油撈飯都偏肥同唔健康。點知！！！原來豬油、豉油都可以自己選擇落幾多同落唔落實在太貼心了！
椒鹽豬扒好大塊，十分入味、煎得夠香，再淋滿美味嘅洋蔥汁、少少甜酸醬，十分惹味、送飯一流
椒鹽豬扒煎蛋豬油撈飯
$88
130 瀏覽
0 讚好
0 留言
真係好可惜個肚完全冇空位，未試食佢出名嘅雪糕菠蘿包，下次嚟到一定要試食！
另外有位男服務員完全好似發緊夢、新嚟，完全唔熟悉餐牌，邊啲跟餐有湯有嘢飲、邊啲要加錢。原本餐牌話加錢先有嘢飲，我哋就話唔需要，佢卻返轉頭又問我哋飲咩，我哋就再一次話唔需要、唔加錢，然後佢好似出咗去同收銀問，返嚟同我哋講話免費俾埋我哋，咁好啦就叫埋。。。點知最後出咗門口睇返條數，先知加咗我哋錢，我哋被收多咗錢。。。
本身有個阿姨好掂、好細心體貼服務，又講解豬油撈飯、又講食鐵板留意事項，對成餐飯嘅滿意度十分高。。。真係比嗰個男員工整嬲咗。
西冷牛扒薯菜
$138
22 瀏覽
0 讚好
0 留言
張貼
