霸王山莊 (已結業)

星期六中午同嫲嫲嚟呢度飲茶，叫了很多點心，水準非常高，好似蝦餃、小籠包咁。最開心係佢地令到嫲嫲都好開心，事緣我地起樓下想上去，佢地個reception旁只有樓梯，正當我地想行上去嘅時侯，reception姐姐即刻截住我地，然後call咪叫上面接電梯客人，並且帶我地去旁邊商業大廈嘅電梯大堂搭電梯，上到去一開電梯即刻有個經理迎接我地，笑笑口咁招待我地。由於我地第一次嚟唔知食乜，經理同我嫲嫲傾咗一陣，又揀了幾樣好食嘅俾我地試﹐中間又時不時走嚟我地度問下好唔好食，又叫我嫲嫲着多件衫，諸如此類，搞到我嫲嫲好開心。估唔到灣仔有間咁好嘅茶樓，好impressed。