影片
更多
2024-05-27
69 瀏覽
入咗拉麵關注組好一段日子喺香港嘅拉麵店心𥚃有個must go list其中一間係屯門頂立老實講區外人要嚟如果冇揸車係有難度但作為屯元天人士要解鎖成就唔難睇過曬啲review我知道頂立係要早去早享受因為湯底到麵到甜品講得出嘅都係自家製手快有手慢冇繁忙時間排隊係常識所以我今日職工頭圍用膳時間嚟但都只係排第七🤣好彩係舖頭有十個位都享受到頭圍用膳嘅樂趣事前做定功課，所以我知呢度除咗拉麵更有咖啡同甜品食完嘅感覺係我覺得頂立係以用餐體驗先行食材到製作過程皆一絲不苟湯底係昆布等海鮮加黃油雞作主調配上黑、白、特濃醬油唔玩呢排好興嘅雞白湯我覺得反而有種反撲歸真嘅感覺白醬油基本配置，初心者建議先試呢款配有叉燒一大片，偏瘦但唔鞋，有豬味唔洗玩灸燒一樣咁好味一條粟米仔，一片蕃石榴乾，京蔥坊間有人話料太少我唔反對但又覺得有啲less is more之感麵係佢哋自家製，偏麥帶顆粒感老實講有啲似食緊蕎麥麵嘅感覺好食，另人留下深刻印象限定特濃角切試完最淡，再試最濃由清新變艷麗，各有千秋個人唔覺得有特別好鹹到要洗腎嘅感覺角切厚厚嘅五花肉非常之入味非常好味，份量大，滿足滿足其他配置就跟白醬油一樣麵條配搭特濃醬油都幾好味咁
喺香港嘅拉麵店心𥚃有個must go list
其中一間係屯門頂立
老實講區外人要嚟如果冇揸車係有難度
但作為屯元天人士要解鎖成就唔難
睇過曬啲review我知道頂立係要早去早享受
因為湯底到麵到甜品講得出嘅都係自家製
手快有手慢冇
繁忙時間排隊係常識
所以我今日職工頭圍用膳時間嚟
但都只係排第七🤣
好彩係舖頭有十個位
都享受到頭圍用膳嘅樂趣
事前做定功課，所以我知呢度除咗拉麵
更有咖啡同甜品
食完嘅感覺係我覺得頂立係以用餐體驗先行
食材到製作過程皆一絲不苟
湯底係昆布等海鮮加黃油雞作主調
配上黑、白、特濃醬油
唔玩呢排好興嘅雞白湯
我覺得反而有種反撲歸真嘅感覺
白醬油
基本配置，初心者建議先試呢款
配有叉燒一大片，偏瘦但唔鞋，有豬味
唔洗玩灸燒一樣咁好味
一條粟米仔，一片蕃石榴乾，京蔥
坊間有人話料太少
我唔反對但又覺得有啲less is more之感
麵係佢哋自家製，偏麥帶顆粒感
老實講有啲似食緊蕎麥麵嘅感覺
好食，另人留下深刻印象
限定特濃角切
試完最淡，再試最濃
由清新變艷麗，各有千秋
個人唔覺得有特別好鹹到要洗腎嘅感覺
角切厚厚嘅五花肉非常之入味
非常好味，份量大，滿足滿足
其他配置就跟白醬油一樣
麵條配搭特濃醬油都幾好味
咁杯啡係咩呢？
係冷萃意大利Gardelli specialty coffee嘅豆
飲落係有淡淡嘅果味
聽講，有人飲咗湯底後再飲一啖啡
味道會有所變化
食白醬油嘅我就唔太感覺到
但食特濃嘅老公就話好覺
件事都幾有趣！
最後就係嘆甜品
成日見群組啲人話頂立係比拉麵延誤嘅甜品店
我終於有啲明白了🤣
個布丁同個抹茶巴斯克比cafe更高質
連平時唔食甜品嘅老公都搶住食…
舖頭細，今日嚟到係one man band
但依然好有服務同有細心介紹食物
我覺得呢度係一家好著重用餐體驗嘅餐廳
你可能未必鍾意呢度嘅口味
但你唔會反對呢度好有heart去做食物
餐廳更有售幾位創辦人嘅自己品牌潮物
聽講著住佢排隊可以排快線免加一😎
價錢Affordable 食靚啲我覺得值得嘅
張貼
