Playa de Papagayo (已結業)

又是生日餐，二月生日月有好多飯局， 識飲識食嘅朋友都帶我周圍食好西！今日黎到天文台道呢一間西餐廳試下！穿過一整條韓國街，一出就見到餐廳響對面馬路！有幾個室外嘅座位，感覺好似向外國嘅餐廳咁！入面環境都好寬闊，氣氛相當不錯！仲有彩色光管招牌！幾特別！食物選擇好多，小食沙律主菜pizza扒類甜品樣樣齊！而且價錢唔貴！餐前小食叫左鵝肝多士沙律開開胃！鵝肝入口即溶，下邊嘅甜味啤梨軟淋淋，一齊放入口味道好match!! 金箔牛油果蟹肉棒十分特別！外型吸晴度爆燈！最外層係用食用金粉制成嘅啫喱皮，味道啖啖，入面包上松葉蟹肉及牛油果好甜！口感不錯！蟹肉牛油果茄蓉湯酸酸甜甜好開胃，估唔到蟹肉份量咁多！啖啖蟹肉感覺好滿足！估唔到呢度嘅小食同湯份量咁多，食完已經半飽！主菜上場，先黎元貝海鮮湯意粉！元貝大大隻又肉厚！職員話湯底用魚湯制成！好鮮甜，不油膩！ 意粉亦都係餐廳自己打！好彈牙！呢個意粉無平時食開嘅咁油膩，亦更富鮮味！焦糖蘋果伴有骨豬扒，份量超大！師父用上烤嘅煮法同少少低溫煮法，見到肉質唔會太韌，焦糖蘋果汁帶出豬肉嘅甜味！又唔漏喉！豬扒真係勁厚切，有成吋半至兩吋厚！好誇張！咬口十足！食肉獸大力推介！值得一