2 Good Bakery

營業中

休息中

朋友搬屋，早兩日陪佢去永安買家庭用品。行到攰攰地想搵地方坐下，無意中發現咗附近一間有heart嘅蛋糕甜品小店。本身係榴槤迷，又鍾意食芝士蛋糕，見到有榴槤巴斯克芝士蛋糕，急不及待就叫咗一件，朋友就揀咗芋泥芝士蛋糕。蛋糕賣相唔錯，榴槤味好濃，又香又甜。配埋個芝士蛋糕底，味道一流，一次過滿足晒我兩個願望。朋友件芋泥芝士蛋糕都好香滑，味道唔會太甜，食到舔舔脷。小店仲有手工制月餅賣，即場就買咗一盒七星伴月，帶返屋企夜晚同家人一齊品嚐。月餅個皮好鬆化，八個月餅啲奶黃餡味道唔同，每一種味都好突出。除咗榴槤味之外，我自己就最鍾意伯爵茶嘅香味，今日專誠再去買多一盒伯爵茶月餅encore。呢間小店嘅出品全部都由舖頭老闆自家手工新鮮製作，全部少糖健康，非常有心。每款蛋糕都香、軟、滑，仲可以預訂生日蛋糕，值得再去幫襯。