Second Bite Bar & Grill (已結業)

近年長沙灣區興建了很多大型屋邨同住宅樓宇， 於是吸引了一些特色鋪頭同食肆進駐此帶， 當中包括開業數月的Second Bite， 每次經過都想試下， 擇日不如撞日，就今晚約朋友去食。餐廳佈置簡單雅致，牆上掛了幾張壁畫， 加添幾分歐陸風味，個人勁鍾意餐桌的大理石花紋， 好襯個裝修 ，時尚又美觀。這裏主打手抓海鮮特色料理， 但朋友唔係好想食海鮮，所以我們點了兩份主菜和一份簡單小食。大蝦濃汁意粉~ 色澤漂亮， 鮮蝦大大隻， 意粉彈牙有嚼勁， 加入唔同海鮮配料，成碟意粉就好似飲緊蝦湯咁鮮味濃郁， 勁正 。鮮蜆忌廉意粉~ 個人最愛忌廉汁，貪佢清清甜甜，而呢度個汁夠香滑，濃淡適中唔杰，蜆肉亦煮得軟身，好creamy好好味。招牌風味辣雞翼~ 賣相唔錯， 熱辣辣食勁正， 簡單小吃都可以津津有味，無得輸。店舖唔算大，雖然位置偏僻，但係估唔到， 食物質素幾好， 加上不斷推廣新菜式， 咁有heart的用心食店， 一定要來Second Bite再嚐一口， 下次嚟必揀手抓海鮮食，好期待啊~呵呵。