品臻 (已結業)

其實講真而家台式手搖飲品店真係開到周街都係，梗有一間喺左近。但係茶底好飲，加上職員服務態度好，真係會直接提升客人嘅開心指數咁杯飲品就自然更加好飲今次已經係第三次幫襯這間喺灣仔新開嘅「品臻」，每次店長Bella都會細心地為我推介飲品及小食。之前兩次已經分別試過鹽酥雞、椒鹽魷魚鬚、雞蛋仔同斑蘭格仔餅。全部小食都係即叫即做，另外我喜歡啲炸物，有大細兩個size選擇今日買咗《烏龍珍珠奶茶》，第一啖已經飲到香濃嘅烏龍茶味，珍珠亦不會過甜。另一杯《香橙綠茶》係Bella極力推介因為佢覺得真係好好飲。我本身好鍾意飲檸檬茶，就問佢可唔可以幫我加片檸檬。佢話店舖冇檸檬，但係可以幫我加檸檬汁。香橙綠茶加咗些少檸檬汁之後，味道果然更加清新