圍威喂 (荃灣廣場) (已結業)

🌴有heart嘅泰菜🇨🇷餐廳🌴由餐廳裝修、菜式嘅種類、食物質素... 我覺得「圍威喂」係一間幾有heart嘅泰菜餐廳!餐廳格局新潮有型，座位寬敞舒適，場內光線明亮，感覺特別乾淨企理!呢度有2人餐、4人餐，亦有素菜餐單，啱哂唔同人士嘅需求!是晚我地菜單如下:🦀紅咖喱軟殼蟹 炸軟殼蟹香脆，配埋雜菜紅咖喱，香而不辣，好惹味!🌶冬蔭公單骨雞翼 鍾意雞中翼嘅朋友唔好錯過!🤪第一啖食落去已經有冬蔭公味，不過唔會太濃，食落幾特別!🥭泰式軟殼蟹青芒果沙律 因為太鍾意食軟殼蟹喇，所以沙律都照order軟殼蟹，好彩冇失望，呢度嘅軟殼蟹真係掂，食落香脆但唔會成口油! 青芒果絲同沙律汁清新爽口，醒神!🦐扎扎跳手打蝦餅話明扎扎跳，梗係特別彈牙，大愛呀!😍🐽燒豬頸肉 豬頸肉配惹味酸辣汁，零感油膩!🦀招牌泰皇蟹肉炒飯 炒飯最緊要鑊氣，呢個炒飯叫得「招牌」梗有原因嘅! 炒飯炒出嚟夠乾身、粒粒分明!🍹榴槤忘返在馬拉蔗汁加榴槤嘅配搭幾特別!依家外賣仲有折扣，超抵食!👍